Palmpaosen
De Paoshaze hef haost
Zie hebt de tied verzet
Een uurtje kotter slaopen
Asse ut noe maar redt
De karkklokke slöt tien keer
Hee pakt de mande vol met eie
En löp zo hard asse kan
Naor ut bos bie de feestweie
Hee leg de eie tussen de struuk’n
En onder’t blad op de grond
Hee is de tel allange kwiet
De Paoshaze raost in ’t rond
Alle eie bunt verstopt
Dur zit niks meer in de mande
Nog eff’n en dan komt de kinder
De palmpaosenstok in de hande
Een heuse optoch nadert
Met zoas altied Juliana veurop
Vrolijke muziek en blieje kinder
Dat is Almen ten top
De kinder van toen
Komt met kinder van noe
Hele families saam
Naor ’t paoseie zeuken toe
Waor maak ie dat nog met?
Van generatie op generatie
Oranjevereniging OVOV
Dank veur de organisatie!
29 maart 2026
Coby Wiltink-Roeterdink
Dorpsdichter van Almen